کاک جه‌لال داوودی له‌ بواری فێربوونی هه‌وا و مه‌قامه‌ کوردییه‌کاندا که‌ڵکێکی زۆری له‌ وانه‌ و زانیارییه‌ به‌نرخه‌کانی مامۆستا مه‌نسوور به‌هرام به‌یگی وه‌رگرتووه‌ و به‌و پێیه‌ش خۆی به‌ قه‌رزداری ئه‌و ده‌زانێت‌. کاک جەلال داودی یەکێکە لە دامەزرێنەرانی پەیمانگای «ئوستادان» بۆ پەروەردەی هونەر و مۆسیقا و گۆرانی لە شاری سنە و هەر لەوێش وەکوو مامۆستای مۆسیقا و گۆرانیی کوردی دەستی داوەتە پەروەردەی گەنجان و لاوانی تینووی چریکەی مۆسیقای کوردی و خزمەتی هونەری ڕەسەنی کوردەواری ئەکات. «نەورۆز» دووهەمین ئەلبۆمی ئەم هونەرمەندەیە کە پێکھاتووە لە ١٢ بەرهەمی نوێ و هەوای فولکلۆر کە لە ئێستادا ئاڕاستەی گوێگرانی مۆسیقای کوردی دەکرێت.